Kulhad

maine kal ek kulhad me chai pee thi,
chai ke sath meri mitti ki sondhi khusboo usme ghuli thi,
ye karigari thi mere desh ke kisi kumhaar ki,
us kalakar ki jo aaj bhi kahi gaon me rahata hoga,
gaon ke kisi kinare pe bheed se kahi door,
uski ungliya aur bhi kulhad banate honge,
uske pasine ki jab koi boond meri is dharti par girti hogi,
meri dharti maa ko bahut takleef hoti hogi,
jin hanthon ki bani durga maa ki murti ke sab charno me pad jate hai,
garmi me jalte kisi rahgir ki jab uske ghade seetal karte honge,
mere gaon ki pangat me pattal ke gilash bante honge uske kulhad,
jab koi murtikar mitti se koi krati banata hai,
ye mera samaj uski kavita ka lakhon me bhav lagata hai,
us kalakar se milne ko fir lambi katar me jata hai,
ye mera samaj us kumhaar ki parchai se bhi darta hai,
achhoot batakar us kumhaar ko bebas kar deta hai gaon se door rahne ko,
kabhi to muje wo kulhad yaad aata hai ,jisko main chai peene ke baad fek diya tha,
aur kabhi dar lagta hai main bhi usi samaj ka hissa hun,
main us kumhaar ka doshi hun,
main us kulhad ka apradhi hu josme kal main chai pee thi.

Sangharsh

barbasta ke ahsaason se dahla sa jata hu main,
jab khud ki ruuh ko ak chuarahe par pata hu main,
beraham nahi main na bujdil main hun,
par khud se hi ghabra jata hu,
lagta hai jaise kwab koi dekha tha,
aur sihar ke fir un kwabo me dar jata hun,
wade tode kasme todi  lagta hai main jhoota tha,
hath pakad kar chal na paya main itna khudgarji tha,
par jab halke se chalta hai yaadon ka koi
jhoka,
jab ammi ki aankho me bahta tha mera sapna,
un sapno me nahi kahi tum na unki aankhon me ho,
unke aansun ke bahne se ahsaason se kap jata hu,
dar jata hu main khud ko fir khudgarji me pata hun,
jab rona hi hai tumko ya unko, to haq unka lautata hun,
lagta hai fir seene se tumhe lagakar rulata hun,
maathe par tere khud ke hontho ko lagakar tujhe rulata hun,
main fir tere rone se dar jata hu ruk jata hu.

Arjun with Krihna

main aadi ant hu samay chakra ka aur main hi suraj ka purav,
main hi chup jata hun paschim me aur khil kata hun phoolon me,
main hi roshan karta dunia ko aur main hi andhkar failata hu,
main hi agni ki prjwalta aur main hi paani ki sitalata,
mujse hi jalta hai deepak aur mujse hi jeevan bujh jata,
main hi rota hun bachpan me, aur yoban me main hasta,
bas ik ankur se briksh banu main aur main hi briksh bankar murjhaata,
main hi parbat main hi sarita aur ret bhara maidan hu main
main shresht himalaya hu aur main hi gahrata saagar,
main hi virat himkhand khada aur main hi girta hu jharno me ,
mujse hi jeevit hotaa har jantu aur mujh se hi mar jata hai,
na kchor koi na ant koi na main seemao me rahta,
jab hilta hai koi patta to main hi us patte me basta,
main hi tera prash hu kauntey aur main hi saare prashno ka uttar,

hey paarth yahi sacchayi hai aur param gyan is maya ka,
meri prabhuta ka shaarthi hai jo saksi hai is drishta ka,

par prashn aur bhi ulajh gaye uttar pane ki jigyasa me,
arjun ka hridaya nahi par shaant hua

................ to be continued............

prem-prastav

Vyakul hokar jab pahuncha ,Prastav prem ka main rakhane,
Mukhade par ulhas bhare, anandit hokar main man me,
Vidyut si raftar hriday ki, kalpit prasth liye kalpana ka,
Tab jagat prem ka harshaya, prasthan hua anubandan ka,
Priyatam ke naino me tab maine, apna sara jag paya,
Jab prashn mudrika me maine, apne pritam ko paya,
Main bola ki, main samajh gaya ,kya hai mere antarman me,
Maine teri hi stuti payi hai apne hi tan aur man me,
Bin tere jeevan nahi purn ab,bin tere hai ayurbal kya,
Tu purn pradarshan mere yog ka, bin tere navjeevan kya,
Hai nahi chah brahmand ki bhi, ab nahi shok ki hai shanka,,
ab nahi vijay ki abhilaasha ,hai nahi haar ki ashanka ,
itne me maine apne adaron par, uske angul ko gyat kiya,
uske lochan ke radha bhav ko, maine fir sparsh kiya,
abrodhit karke meri vaani ko, phir usne pratikar kiya,
ghabrakar jab usne, apni bhrakuti to alpa kiya,

kyun itna uttejit ho, kyun man me tum bharmaye ho,
aapekshaon ke bhram me kyun, tum itna lalchaye ho,
main nahi sochti tere bare me kuch bhi aisa,
tum nahi magar, main sochti jiske bare me kuch bhi aisa,
tum mere sanjh ka deepak ho, par nahi chandra mere man ka,
tum priy ho prano se zyada, par nahi pran mere tan ka,
ye ichchha karke, tumne kaisi isthiti ko paya,
kyun mere gehrai ko tumne hi, itna kam paya,
sunte he uske prashno ko, sari dunia badal gayi,
vismit hokar meri karuna, phir ik ik karke nasht hui,
nahi prem main tumse karti, nahi mera tum jeevan ho,
tum nahi prem ki paribhasha, tum nahi mera anubandhan ho,
tum lehar mere sagar ki ho,par nahi pyas ki gehrai ,
tum kshir nahi santushti ka, par mere neer ki bharpayi,

ik -ik karke dheere dheere usne ghavon par ghav kiye,
mere wakshon ke madhya bhag par,kitne hi prahar kiye,
stabdh khada main ghur raha, uske naino ki jwala ko,
nirjeev hua main ant kaal tak,usse milne ki asha ko,
tum hi to kehti thi mujhse, tumse hi hasta hai har chhadm,
tum nahi agar to, suna hai ye mera sara jeevan,
vyakul ho jaati thi tum, meri hi anupasthiti pe,
tode hai kitne vrat tumne, phir mere hi upasthiti pe,
tum bhul gayi sune pan ko, jisne tumko yun jakda tha,
jab raqt mere tan ka lekar, tumne mujko yun pakda tha,
tab bola tha tumne mujse, tumse pyara koi aur nahi,
tum sathi ho mere, tum jaisa koi aur nahi,
mrignainee us mrigni ne, tab mere bhram ka ant kiya,
kiya kataaksh mere daawon par, mere sapno ko nasht kiya,


maine kab bola hai tumse, main teri bairagan hun,
main nahi preyasi teri hun,main nahii teri jogan bhi hun,
yadi samajhata tu mere man ko,to aaj yahan ye na hota,
na tu prem pujari hota, na ye tera maqsad hota,
uphass kiya hai tune mera, meri hi pavanata ka,
tum nahi yogya mere jeevan,ke, aur nahi meri ujwalta ke,
kya prem hi meri komalata ka, tumne iska matlab samjha,
kya lakshya yahi hai jeevan ka, jo tumne isko aasay samjha,
tum ne meri karuna ko ,ek prem pradarshan kyun samjha,
tumne meri garima ko, ek nimn samrpan kyun samjha,

tab teekshna vaar uske prashno ke, phir ghavon par ghav bane,
mere dil ke tukde tukde, mere prithvi ka saar bane,
tab prashn kiya maine usse, kya main tere bhi yogya nahin,
kya kami hui meri pooja me, jo main tere jeevan ke yogya nahi,
ablokan bas yahi matra hai, kya meri prem vivashta ka,
kyun nahi dikha tumko mujhme, bas, ek patanga agni ka,
main chetan tha teri chetna se,fir tune ye bhram kyun paya,
meri drishti ke pankhon pe, tune khud ko udta na paya,
jab prem nahi karti thi mujse, kyun meri raahen takti thi tum,
kyun krodhit ho jati thi tum, aur kyun harshit ho jati tum,
mere jwar ke jal jane par, kyun neer bahaya karti thi,
aur meri kushal deh dekhkar,kyun fool chadaya karti thi,
kya yaad nahi meri peeda , jab dadi ne, keel tumhe pahnaayi thi,
saptahon ki peeda me jalkar, maine dawa tumhe lagai thi,
mandir ki us seedi par, chinh abhi bhi baaki hain,
jahan pahar beeta karte the, chitra wahan ke sakshi hain,
kya ganga maiya ke tat par,jana tumne bhoola hai,
to phir mere prem ki sangya ko, ab tumne kyun maryada me taula hai,
fir uske kaapte hothon par, vish ka maine pat paya,
fir ek baar uske naino me , dwesh ka maine mat paya,

sneh aur prem ki paribhasha ko ,nahi tumne kyun alag kiya,
ye kaisa bhram peeda ka, tumne mujko tsrot diya,
main nahi prem ke yogya tere, main nahi prem ki dasi hun,
main leen hun sneh ki dhun me, par prem nahi madhubhashi hun,
main swapn nahi, mheera ki drishta ka ,na saar koi kavita ka hun,
na rudan kisi ki prbhuta ka, na dwar kisi sarita ka hun,
anabrashti(drought) se ootprot hai,mere prem ki anuradha,
hai paar nahi meri naiyya ka, hai nahi chhor mere tat ka,
main nahi prem ki anukampa, main hun yogi ke tap ki nishfalta,
main tuchchh hriday wali abla,main tanu(least) Vishay ki durbalta,

paroksh(absent) kya mere chhaya me hai , kya rikt tere pratibimb me hai,
paripath hai kyun sahchar tera,kya bimb tere mastishk me hai,
kyun ghum rahi hai tu ird gird, sneh prem ki saiyya ke,
kya bhranti hui tere man ko, jo nikat nahi tu naiyya ke,
kya prem nahi manusata hai, kya prem nahi sukhdayi hai,
kya rikt prem ki dunia ka,aditya(sun) bada dukhdayi hai,

sneh prem ke madhya koi, deewar nahi khadi hoti,
ye kalpit matra hai vriksh tera, yadi humme koi aur sambandh nahi,
kya shunya tumhe mujme dikhta hai,kya main stree ke yogya nahi,
mere uplabdhi ke charche, kya tere nagar ke stambh nahi,

main nahi kosti hun tumko, na teri hi paurushta ko,
bus nahi prem mujko tumse, na mere is tan aur man ko,
sweekar mujhe ho tum har pal, tum shreshth purush ke adhikari,
par nahi dhul ka ye sahas, ke sheersh chade , ye dhikkaree,
ke seersh chade , ye dikkaree, ke seersh chade , ye dikkaree,

teekshna rudan fir brahmlok tak, toot gayi swapno ki sangya,
ashrun dhar uske naino se, foot padi bankar ganga,
teevra gati uske kadmon ki, aikayek fir ninm hui,
jaise meri hriday gati,fhir dheere-dheere band hui,
main mook khada ant kal tak , aaghat laga is jeevan ka,
sangharsh kar rahi sansein meri, bin eendhan bujhte deepak ko,
ab jeene ki mansa bhi, jalkar aise bhasm hui,
bin neer ke jaise meen koi,ghut-ghutkar koi khatm hui,

SWARAGHAT

Ab ant hua is bhram ka bhi, is gaman chakra ke chinhon se,
kyun prati-chawi bhi tut gai, na jane kis prati-chumban se,
ek anhad hai antarman me, ab nahi raha bichlit man bhi,
anukampa mere upar, ek hui mere hi aadi samarpan ki,
ab rudan matra vishram me hai, antarman ki abhilasha me,
na jane kaisa gahan laga, mere man ki paribhasa me,
main shant samrpit pushpo ke, birah saman ka sakshya hua,
main chinhit pari-badhaon ke,shakshamya ka prashad hua,
main nirmal jal ki agni me, kyun jalkar bhasm prakand hua,
hriday prashan, isko mat samjo , ye to paribartit paribhasa hai,
mere hi bhram ki prati-chaya, mere chinhon ki maya hai.
Yadi prasna uthe antarman me , to naynon ko samjha lena,
Ye kumud bramar ki diksha hai, chetak bhram ki ek iksha hai ,

Firaque

Guzarish ahde karwan se, mukammal jahan dhundhna hai,
buniyaden ahtaram karke, hume aasaman dhundhna hai,
hain mushkilen kitni, raahein martawa me hai,
jab humsafar ho tum , kyu karwan dhundhana hai,
raah ki thokaron se bhi, nahi darna hai yaaro ab,
ja kar kehdo is aasma se , hume phir aasama dhundhana hai,
nazare aah bharte hon, jahan kamsin ki chilman se ,
wahan ab shaam se keh do, hume mehtaab dhundhana hai ,
nahin ab harkaten koi, nahi ye takhliya sa hai,
are har aan se kahke, hume humnawa dhundhana hai,
machalte parwane hokar ,quayanat-e- roshan me jo hain,
ab har shamma se kehdo, hume aaftab dhundhana hai,
guzarish ahde karwan se, mukammal jahan dhundhna hai,
buniyaden ahtaram karke, hume aasaman dhundhna hai.

Tere aagosh mein

jab tum nahi to roshni kyun mangta hun main,

jab tum nahi to raakh ko kyun chhanana chahta hun main,

kyun raat se fariyaad karta hun main rukne ko,

jab tum nahi to raat ko kyun mangata  hun main,

kyun charagon ki shama me jal raha hun main,

jab tum nahi to aag ko kyun manata hun main,

har jam ko maloom hai ke jab phir utarna hai,

jab tum nahi to pyaas ko, kyun taanata hun main,

aalam hai ke jab yun machalna raas aata hai,

jab tum nahi to kyun tadapana chahta hun main,

rahen nahi jab ghar nahi hota parindon ka,

to ghoslon ko kyun hi,bunana chahta hun main,

rota nahi aansu bhi ab to muskurane pe,

to muskurahat ko  kyun rulana chahta hun main,

hai pata mujko bhi, jab ke tum nahi ab ho,

to aashiyan tumse hi kyun, basana chahata hun main,

jab tum nahi to roshni kyun mangta hun main,

jab tum nahi to raakh ko kyun chhanana chahta hun main..